ഒരു ശിലായുഗകവിയുടെ ഡയറിയിൽ നിന്ന്

പഥികന്‍ ശിലായുഗ കവിത എഴുതിയതു കണ്ടപ്പോള്‍ ഒരാഗ്രഹം ഒരു ശിലായുഗഗായകനാകാന്‍.

അതു ദാ ഇങ്ങനെ ഒപ്പിച്ചു.


അണ്ണാക്കു വലിച്ചു കീറിയുള്ള പാട്ടായതു കൊണ്ട്‌ മുഴുവനാക്കാന്‍ ധൈര്യം വന്നില്ല.

ആദ്യം അതു മറ്റൊരു രീതിയില്‍ ഈണം ചെയ്തു അത്‌ ഇതിലൊക്കെ വളരെ കുളം ആയതു കൊണ്ട്‌ പുറത്തു കാണിക്കുന്നില്ല ഹ ഹ ഹ :)

വരികള്‍ ഇപ്രകാരം
നിലാവിനെ സ്നേഹിച്ച പെൺകൊടി നീ
നിശയുടെ മാറിലെ ശാരിക നീ
ജീവന്റെജീവനിലൂട്ടി വളർത്തിയൊ-
രോമൽക്കിനാവിലെ നായിക നീ
എന്റെ ഓമൽകിനാവിലെ നായിക നീ
(നിലാവിനെ സ്നേഹിച്ച ...) - 1




എന്റെ പാഴ്ജീവനിൽ തേനും വയമ്പുമായ്
നിന്റെയീ സ്നേഹം വിതുമ്പെ ,
വിണ്ണിലെ ഗന്ധർവ്വകിന്നരർ കൺചിമ്മി
എന്നിലസൂയാർത്തരാകെ ,
ഒരു മാത്ര കൂടിയാ മധുരമാം നൊമ്പര
മോർത്തു ഞൻ ധന്യനാകട്ടെ ..
എന്റെ കിനാക്കളിൽ ഞാനലിയട്ടെ
(നിലാവിനെ സ്നേഹിച്ച ...) - 1

ഒരു സ്വപ്നത്തിൽ ഒറ്റയ്ക്കിരുന്നു

അങ്ങനെ അവസാനം മറ്റൊരു വഴി തുറന്നു. വെബ് ക്യാം അല്ലതെ മൈക് ഉപയോഗിച്ചു തന്നെ പാടാനുള്ള വഴി ഒപ്പിച്ചു എന്ന്
 
അതുകൊണ്ട് ഒരു സ്വപ്നവീഥിയിൽ ഒറ്റയ്ക്ക് ഒന്നുകൂടി നിന്നു.

ഇതിൽ കുറെ ബഹളങ്ങളും ഒക്കെ കൂട്ടിച്ചേർത്തിട്ടുണ്ട്.

നേരം വെളുത്തപ്പോൾ ഇരുന്ന ഇരിപ്പാ ഇനി പോയി പല്ലു തേക്കട്ടെ

അപ്പോഴേക്കും നിങ്ങൾ കേട്ടോളൂ



വി ഏ ചേട്ടന്റെ ബ്ലോഗിൽ രണ്ടു കവിതകൾകിടക്കാൻ തുടങ്ങിയിട്ട് കുറെ കാലമായി. 
അതൊന്നു പാടാൻ ശ്രമിക്കാം എന്നു വിചാരിച്ച് മൈക്ക്  കുത്തിയതും അതിന്റെ അറ്റം ഒടിഞ്ഞ് സോകറ്റിനുള്ളിൽ കുടുങ്ങി.

അങ്ങനെ കഥ എഴുതിയാൽ അമളിക്കഥകളുടെ കൂട്ടത്തിൽ ഇനി കുറെ എണ്ണം കൂടി വരും. അതവിടെ എഴുതാം

അതാ മൂന്നാലു മാസം നിങ്ങൾക്കൊന്നും ശല്യമില്ലാതിരുന്നത്. 

ഇതിപ്പൊ എന്റെ വെബ് കാമിനകത്തെ മൈക് ഉപയോഗിച്ചാണ് പ്രയോഗം. (ഇനിയും ഉണ്ട് അപ്പൊ ഇതുപോലത്തെ വേലകൾ :)

അപ്പൊ അതിലെ ഒരു സ്വപ്നത്തിൽ ഒറ്റയ്ക്കിരുന്നു എന്ന ഗാനം യാതൊരു അകമ്പടിയും കൂടാതെ-  ഇനി ഉപയോഗിക്കേണ്ട വാക്ക് ശരിയല്ല എന്നറിയാം എന്നാലും പറയുമ്പൊ ഒരു ഇതൊക്കെ വേണ്ടായൊ  അപ്പൊ "പാടി".

ഇതിനു മുൻപൊരെണ്ണം അകമ്പടിയും ഒക്കെ ചേർത്തു ഉണ്ടാക്കിയിട്ടു ഇവിടെ പുരോഗമിച്ചു കൊണ്ടിരുന്നപ്പോള് ചോദിക്കാതെ തന്നെ ഭൈമി സപ്രിറ്റികറ്റ് തന്നു "കാളമൂത്രം പോലെ ഉണ്ട്" എന്ന്.

അതു കൊണ്ട് ഇതു നല്ല റാ ആയി വിളമ്പുന്നു

മോഹനരാഗതരംഗങ്ങളില്‍ - ഒരിക്കല്‍ കൂടി

ഗീതഗീതികളില്‍ വന്ന "മോഹനരാഗതരംഗങ്ങളില്‍" എന്ന ഗാനം

Get this widget | Track details | eSnips Social DNA

ഗീത റ്റീച്ചര്‍ എഴുതിയ പോസ്റ്റ്‌ ഇപ്പോള്‍ കാണാനില്ല ആ ലിങ്കില്‍ ക്ലിക്കിയാല്‍ കിട്ടുന്നും ഇല്ല. എവിടെ പോയൊ ആവോ?


അവര്‍ അന്ന് ഈ പാട്ടിനിട്ട കമന്റുകള്‍ ദാ ഈ പടങ്ങളില്‍ കാണാം

വ്രീളാവിവശയായ്‌ വന്ന മലയാള കവിത

വ്രീളാവിവശയായ്‌ അരികില്‍ വന്ന മലയാള കവിത

ശ്രീ സി എം ജനാര്‍ദ്ദനന്‍ മാഷ്‌ എഴുതി ജനവാതില്‍ എന്ന അദ്ദേഹത്തിന്റെ ബ്ലോഗില്‍ വന്ന കവിത.

ഓണത്തിനിടയില്‍ പൂട്ടു കച്ചവടം എന്നു പറയില്ലെ അതുപോലെ ഇന്ന് അവധി എടുത്തിരുന്നപ്പോള്‍ തോന്നിയ ഒരു വികൃതി മറ്റു തെരക്കൊന്നും ഇല്ലെങ്കില്‍ ഇതും ഒന്നു കേള്‍ക്കൂ. അഭിപ്രായം പറയാന്‍ പറയുന്നില്ല വല്ല തെറിയും കേള്‍ക്കേണ്ടി വന്നാലൊ അല്ലെ?
:)

ഇനിയെന്റെ കണ്ണീരു മാറും

"ഇനിയെന്റെ കണ്ണീരു മാറും"

സ്വന്തം സുഹൃത്ത്‌ എന്ന ബ്ലോഗര്‍ എഴുതിയ ഒരു ഭക്തിഗാനം

അദ്ദേഹത്തിന്റെ ബ്ലോഗ്‌ തലക്കെട്ട്‌ ഇംഗ്ലീഷില്‍ ആയിരുന്നതു കൊണ്ട്‌ ഇതുവരെ ശ്രദ്ധിച്ചിരുന്നില്ല.

ലളിതമായ വരികള്‍.

അദ്ദേഹത്തെ വിവരം അറിയിക്കാം എന്നു വിചാരിച്ചിട്ട്‌ മെയില്‍ ഐ ഡി ഒന്നും കാണാനില്ല്ല.

അതുകൊണ്ട്‌ നേരെ പോസ്റ്റ്‌ ചെയ്യുന്നു.

എല്ലാവരും കേള്‍ക്കുമല്ലൊ അല്ലെ ?

പണ്ട്‌
മോഹനരാഗതരംഗങ്ങളില്‍ എന്ന കവിത
http://lalithaganam.blogspot.com/2008/08/blog-post.html പോസ്റ്റ്‌ ചെയ്തപ്പോള്‍ അതിലെ ബിജി എമ്മില്‍ ഇടത്തെ സ്പീക്കറില്‍ നിന്നും വലത്തെതിലേക്കു ശബ്ദം മാറ്റിയതിനെ ശ്രീ അഭിലാഷ്‌ പ്രശംസിച്ചെഴുതിയിരുന്നു.

ആ വേല പഠിച്ചു കഴിഞ്ഞാല്‍ ഇനിയും പ്രയോഗിക്കാം (അന്നത്തെത്‌ മകനായിരുന്നു ചെയ്തു തന്നത്‌)
എന്നു വാക്കു കൊടുത്തതാ.
ഇപ്പൊഴെ പറ്റിയുള്ളു ദാ രണ്ടിടത്ത്‌ പ്രയോഗിച്ചു ഹ ഹ ഹ :)

ഒരു പാതിക്കരളുമായ്‌

ഒരു പാതിക്കരളുമായ്‌ വന്നവള്‍ ഞാനെന്റെ
മറുപാതിക്കരള്‍ നിന്നില്‍ കണ്ടു ദേവാ
ഇരുപാതിക്കരളുകള്‍ തങ്ങളില്‍ സന്ധിച്ച
ശുഭമുഹൂര്‍ത്തത്തിനു നന്ദി ഈ ജന്മ
ശുഭമുഹൂര്‍ത്തത്തിനു നന്ദി

ഈ ഗാനത്തിന്റെ കഥ ഇവിടെ വായിക്കാം

സ്വരരാഗസാന്ദ്രമാം

പൊതുവാളന്റെ കവിയരങ്ങില്‍ തന്നെ പകര്‍ത്തിയിട്ടുള്ള സ്വരരാഗസാന്ദ്രമാം എന്ന ഗാനം

ഈ ഗാനം 2007 ജനുവരി മാസത്തില്‍ പ്രസിദ്ധം ചെയ്തിരുന്നതാണ്‌. പക്ഷെ അന്ന് Odeo യുടെ സഹായത്തില്‍ ആയിരുന്നു. അത്‌ ഇപ്പോള്‍ കേള്‍ക്കുവാന്‍ സാധിക്കില്ല തുകൊണ്ട്‌ ഒരു വിഡ്ശ്യൊ ആക്കി ഇപ്രകാരം പോസ്റ്റുന്നു

ബ്ലോഗിലെ കവിതകള്‍ ഈണം ചെയ്തു പാടി - ഒരു കൂട്ടായ്മ പ്രവര്‍ത്തിപ്പിക്കാം എന്ന ആശയം ഇതില്‍ നിന്നാണു തുടങ്ങിയത്‌ എന്നു വേണമെങ്കില്‍ പറയാം.

ഈണം എന്ന സംരംഭത്തിന്റെയും ബീജം ഇതില്‍ നിന്നായിരുന്നിരിക്കാം
കിരന്‍സിന്റെ അന്നത്തെ കമന്റ്‌ നോക്കുക


എതിര്‍പ്പുണ്ടെങ്കില്‍ പറയണേ

"
anonymous said...
ഇതൊരു കലകലക്കന്‍ ആശയം തന്നെ..കവിതകള്‍ നല്ല ഈണമിട്ട് ആലപിക്കുക..വൌ..വിശ്വകലാശില്‍പ്പികളേ കേട്ടാല്‍ത്തന്നെയറിയാം പണിക്കര്‍ സാബൊരു ഉസ്താദാണെന്ന്,വീണ്ടും ഇവിടെ നല്ല ഒരീണം കേള്‍ക്കുമ്പോള്‍ സന്തോഷം.പൊതുവാളന്റെ പിറന്നാള്‍ മധുരമായ ഗാനം കേള്‍ക്കാന്‍ നല്ല ശാന്തതയുണ്ട് കേട്ടോ.നല്ല ഗാനം,പിന്നണിയില്‍ പ്രവര്‍ത്തിച്ച അനംഗാരിച്ചേട്ടായിക്കും അഭീനന്ദനം,പൊതുവാളനു പിറന്നാളാശംസകളും..!

Wed Jan 17, 10:20:00 AM
indiaheritage said...
സാരംഗി ക്ഷമിക്കണം.
മിഴിച്ചെപ്പില്‍ നിന്നു -- എന്നു തുടങ്ങുന്ന ഗാനം എഴുതിയത്‌ ഗായത്രി എന്നു തെറ്റി എഴുതിപ്പോയതിന്‌. ഞാന്‍ ഇന്ന് ഒരു ഈണം അനംഗാരിക്കയച്ചു കൊടുത്തിട്ടുണ്ട്‌. താങ്കളുടെ ഈണം indiaheritage@yahoo.co.in എന്ന അഡ്രസിലേക്ക്‌ അയച്ചു തരുമോ. ഒന്നില്‍ കൂടുതല്‍ ഈണം വേണമെങ്കിലും നമുക്കു പരീക്ഷികാമല്ലൊ.

കിരണ്‍സേ അത്രയും അങ്ങു വേണോ? പാട്ട്‌ ഇഷ്ടപ്പെട്ടതില്‍ സന്തോഷം
"