Friday, October 24, 2008

കുടമുല്ലപ്പൂവിനും മലയാളിപ്പെണ്ണിനും

"കുടമുല്ലപ്പൂവിനും മലയാളിപ്പെണ്ണിനും ഉടുക്കാന്‍ വെള്ളപ്പുടവ--"

ജ്വാല സിനിമയിലെ ഈ ഗാനം കരോക്കെയുടെ സഹായം സ്വീകരിച്ച്‌ പാടിനോക്കിയതാണ്‌

Saturday, October 11, 2008

കേരളപ്പിറവിഗാനം

ഗീത റ്റീച്ചര്‍ എഴുതിയ ഒരു കേരളപ്പിറവിഗാനം

സത്യമായിട്ടും ഒരു കഥാപ്രസംഗം പോലെ എങ്ങാനും തോന്നിയാല്‍ :(

കല്ലെറിഞ്ഞാല്‍ പോലും എന്റെ അടുത്തെത്തില്ല എന്ന സമാധാനത്തില്‍ ഇവനെ അങ്ങു കയറ്റുകയാണ്‌.

പിന്നെ സ്വിച്ച്‌ നിങ്ങളുടെ കയ്യിലാണല്ലൊ, അതുകൊണ്ട്‌ എറിയാന്‍ തോന്നുമ്പോള്‍ നിര്‍ത്തിയേക്കുക അത്രെ പ്രയനുള്ളു.
വരികള്‍ ദേ ഇതൊക്കെ ആയിരുന്നു. ഞാന്‍ സ്വല്‍പം സ്വാതന്ത്ര്യം ഉപയോഗിച്ചു അതില്‍ ക്ഷമിക്കുക.
വിരുത്തം(ശ്ലോകം)

ജന്മഭൂവിനു മാതൃസ്ഥാനം കല്‍പ്പിച്ച മഹോന്നത ഭാരതം
ഭാരതാംബ തന്‍ കാല്‍ചിലമ്പിലെ നന്മണിമുത്താണീ കേരളം
കേരളം ......കേരളം.......

പല്ലവി
--------

പശ്ചിമസാനുവിന്‍ താഴ്‌വരയില്‍
പച്ചിലച്ചാര്‍ത്തിന്റെ മേടയിതില്‍
പേരാറും പെരിയാറും കസവിഴ പാകിയ
ഹരിത പട്ടാംബര ധാരിണിയായ്‌
ലാവണ്യകേദാരമായ്‌, ലളിത മനോഹരിയായ്‌
വിളങ്ങിനില്‍പ്പൂ, വിളങ്ങിനില്‍പ്പൂ
ഈ കേരകേദാര ഭൂമീ- ഈ കേരളഭൂമീ...

കവിസങ്കല്‍പ്പം വെല്ലും സുന്ദര സ്വപ്നസമാന ഭൂമി
ഉലകില്‍ തീര്‍ത്തൊരു സുരലോകം ഈ സുന്ദര സുരഭില ഭൂമി
സുഖദ ശീതള ഭൂമി...(പശ്ചിമ സാനുവിന്‍...)


അനുപല്ലവി
------------
നീലമാമല നിരകള്‍ നീളെ
ചാമരങ്ങള്‍ വീശി നില്‍ക്കും
മാമരങ്ങള്‍, പൂമരങ്ങള്‍, പൂവനങ്ങള്‍

പൂത്ത വനികകള്‍, പൂമ്പൊയ്കകള്‍

മാനോടും മയിലാടും മരതക വനികള്‍
മഞ്ഞണിമലകള്‍

മത്തഗജങ്ങള്‍ മേയും മാമഴക്കാടുകള്‍
മധുശലഭങ്ങള്‍ പാറും മലരണിക്കാടുകള്‍

എത്ര സുന്ദരം! എത്ര സുന്ദരം!
ഈ നിത്യഹരിത ഭൂമി
കേരളഭൂമി... കേരളഭൂമി... (പശ്ചിമസാനുവിന്‍....)

ചരണം
-------
ചിങ്ങത്തിരുവോണപ്പാട്ടുകളും
തിരുവാതിരപ്പാട്ടിന്‍ ശീലുകളും
ഞാറ്റുപാട്ടും തോറ്റം പാട്ടും
പുള്ളുവന്‍ പാട്ടും പാണന്‍ പാട്ടും
വഞ്ചിപ്പാട്ടിന്‍ ഈണങ്ങളും
വേലന്‍ പാട്ടും പഴം പാട്ടും
മാറ്റൊലി കൊള്ളുന്നീ വിണ്‍ മണ്ഡലത്തില്‍
മധുരമിയറ്റുന്നു മനസ്സുകളില്‍
മധുരമിയറ്റുന്നു മനസ്സുകളില്‍ (പശ്ചിമ സാനുവിന്‍....)
-----------------------------------


Saturday, October 4, 2008

അമ്പലപ്പുഴ ഉണ്ണിക്കണ്ണനോട്‌

അമ്പലപ്പുഴ ഉണ്ണിക്കണ്ണനോട്‌ എന്ന ഗാനം ഒറ്റയ്ക്‌ എന്റെ ഭൈമി പാടിയത്‌ ഇ ബ്ലോഗ്‌ എന്റേതാണെങ്കിയം ഇതിന്റെ പൂര്‍ണ ഉത്തരവാദിത്വം എന്റെ ഭൈമി കൃഷ്ണയ്ക്കുള്ളതാണ്‌. ഞാന്‍ വെറും ടൈപിസ്റ്റ്‌ മാത്രമാണ്‌ ഇവിടെ.

കേള്‍ക്കുന്നവര്‍ പറയുന്ന ചീത്ത വളരെ മൃദുവായിരിക്കണം എന്ന്‌ അപേക്ഷ