മാധവ മാമവ ദേവാ

മാധവ മാമവ ദേവാ കൃഷ്ണാ

യാദവകൃഷ്ണാ യദുകുലകൃഷ്ണാ

സാധുജനാധാര സർവഭൗമാ

മാധവ മാമവ ദേവാ

അംബുജനാധാര കംബുശുഭഗ്രീവ

ബിംബാധരാ ചന്ദ്രബിംബാനനാ

ചാമ്പേയ നാസാഗ്രേ രത്നസുമൗക്തിക

ശാരദചന്ദ്രജനിജവദനാ

ശബരിപീഠം ലക്ഷ്യമാക്കി

This is a devotional song on Svami Ayyappa, written by Sreesobhin in 2007. I had tuned and sung it many times in Ayyappa bhajans.

Now I have made a video incorporating my sons malachavittal from Bilaspur Ayyappa Temple

ശ്രീശോഭിൻ എന്ന ബ്ലോഗർ എഴുതിയ ഒരു ഭക്തിഗാനം ആണ്‌ ഇത്.

http://neermizhippookkal.blogspot.com/…/11/blog-post_28.html

അന്ന് സംഗീതം ചെയ്ത് വച്ചിരുന്നു, പല പല വേദികളിലും പാടിയതാണ്‌.
http://lalithaganam.blogspot.in/2008/02/blog-post_17.html

എന്റെ മകൻ മഹേശ് കെട്ടു നിറച്ചു പോകുന്ന ഒരു വിഡിയൊ ഉണ്ടായിരുന്നു അതും ചേർത്ത് ദാ ഇവിടെ

ബിലാസ്പുരിലെ അയ്യപക്ഷേത്രം ആണു വേദി

FB Link https://www.facebook.com/sankaranarayana.panicker/posts/1622755517736890

മഹാമന്ത്ര ഹേ യേ ജപാകർ ജപാകർ എന്ന ഒരു ഭജൻ.

മഹാമന്ത്ര ഹേ യേ ജപാകർ ജപാകർ എന്ന ഒരു ഭജൻ.

Bhajan at Lafarge Cements during Ayyappa Pooja  he muraLiidhara

Bhajan two at lafarge Cements   Mahamnthra he

Every Year Ayyappa Pooja is celebrated  along with Bhajans at Lafarge Cements, from the year I joined there - 2005

This is one such occasion where my Friend Mr I S Tiwari is singing along with us. Hear and enjoy

വൃന്ദാവനസഞ്ചാരീ.

2010 ൽ ചെയ്ത ഒരു പാതകം ആണിത്.
കേട്ടപ്പോൾ കാളമൂത്രം പോലെ എന്നഭിപ്രായം എനിക്കു തന്നെ തോന്നിയതു കൊണ്ട് ഇതു വരെ പുറം ലോകം കാണിച്ചില്ല.

പക്ഷെ ഇനി നന്നാവാനുള്ള യോഗം ഒന്നും കാണാത്തതു കൊണ്ട്  ശിക്ഷ നിങ്ങൾക്കു കൂടി ഇരിക്കട്ടെ എന്നു വച്ചു

ഏതായാലും ഇപ്പോഴത്തെ ഭരണത്തിന്റത്രയും അപകടം ഇല്ല എന്നു വിചാരിച്ചങ്ങ് പോസ്റ്റുകയാ

ചെറിയതായി ഒന്നു പേടിപ്പിച്ചാൽ മാത്രം മതി, കേട്ടൊ ഒതുങ്ങിക്കോളും

സ്വരം ഒക്ക് ചേർത്തു പാടാനുള്ള ഒരാഗരഹ്ം നടപ്പിലാക്കിയതാ :)


എഴുതിയത് നമ്മുടെ ചന്ദ്രകാന്തം - ഗാനൻ ജിയുടെ mrs

ഒരു പാട്ട് ചുമ്മാ പഠിപ്പിക്കാനുള്ള ശ്രമം

<

 ഇനി നമുക്ക് ഒരു പാട്ടിനെ എങ്ങനെ നമ്മുടെ വരുതിയിൽ ആക്കാം എന്ന് ശ്രദ്ധിക്കാം 

വളരെ എളുപ്പമായ ഒരു പഴയ ഗാനം തന്നെ  ഇതിനായി എടുക്കാം 

ജീനാ യഹാം 
മർനാ യഹാം 
ഇസ്കെ സിവാ 
ജാനാ കഹാം 




ഇതിൽ “ജീനാ യഹാം” 
 നമ്മുടെ സ്വരങ്ങൾ വച്ച് നോക്കുമ്പോൾ, ഒരു കട്ട ശ്രുതിയിൽ വായിച്ചാൽ - സ മ(ശുദ്ധമധ്യമം) പ ധ(ശുദ്ധധൈവതം) 

താളമോ വൺ  ടൂ  ത്രീ - വൺ  ടൂ  ത്രീ 

വൺ    ടൂ    ത്രീ  -   വൺ    ടൂ     ത്രീ 
ജീ      നാ    യ       ഹാ     -       - 

ഇങ്ങനെയായിരിക്കും വായിക്കുക 

ഇത് പാശ്ചാത്യരീതിയിൽ നോക്കിയാൽ 

C F G Ab  എന്ന സ്വരങ്ങൾ അല്ലെ? 

F minor chord  ന്റെ Second Inversion   പറഞ്ഞ ഭാഗം നോക്കുക 

Root chord - F G#(Ab) C 
First Inversion - Ab C F 
Second Inversion C F G#(Ab) 

അതായത് താളത്തിന്റെ ആദ്യത്തെ രണ്ടു measure കളിൽ വായിക്കുന്ന melody  F minor chord അടിസ്ഥാനത്തിൽ ആണ്‌ 

അതിനാൽ ഇടത് കൈ കൊണ്ട് ഒരല്പം മാധുര്യം പകരുവാൻ F Minor Scale കൂട്ടത്തിൽ ചേർക്കാം 

പൗരസ്ത്യരീതിൽ സ പ സ  ആണല്ലൊ Scale 

ഇവിടെ F scale വായിക്കുമ്പോൾ മ സ മ അഥവാ F C F താഴത്തെ സ്ഥായിയിൽ വായിക്കണം 

അതെല്ലാം കൂടി ഒന്നിച്ചു വേണ്ട അതിനെ ഒന്നു മുറിക്കുക 

താളത്തിന്റെ വൺ ടൂ ത്രീ  ക്കനുസരിച്ച് 

വൺ  ഇനൊപ്പം ആദ്യത്തെ F  വായിക്കുക 

ടൂ വിനൊപ്പവും  ത്രീയ്ക്കൊപ്പവും ബാക്കി C F ഒന്നിച്ചു വായിക്കുക 

കുട്ടികൾ പറഞ്ഞു നടക്കുന്നതു പോലെ ഝിങ്ങ് ഝക് ഝക്  -   ഝിങ്ങ് ഝക് ഝക്  ഇങ്ങനെ കേൾക്കണം 

ഇടതു കൈ കൊണ്ട് അത് പരിശീലിച്ചു കഴിഞ്ഞാൽ രണ്ടും കൈകളും കൂടി ഒപ്പം വായിക്കുക. 

ആദ്യം അല്പം പ്രയാസം തോന്നും എങ്കിലും ഒരിക്കൽ പിടികിട്ടിക്കഴിഞ്ഞാൽ പിന്നെ എളുപ്പം ആണ്‌ 

ഭാരത്‌ മേരാ ദേശ് മഹാൻ

ഏകദേശം 20 കൊല്ലം മുന്പ് എഴുതിയുണ്ടാക്കിയ ഗാനം.   പുതിയ സ്ഥലത്ത് എത്തിയപ്പോൾ  അവിടത്തെ കുട്ടികള്ക്കും പാടാൻ ഇഷ്ടം. എന്നാൽ ആയ്ക്കോട്ടെ  വച്ചു

ശ്രീനാരായണഗുരുസ്വാമിയുടെ ദൈവദശകം

ഇത് പണ്ട് കവിതകളുടെ ബ്ലോഗിൽ പോസ്റ്റ് ചെയ്തിരുന്നതാണ്. പക്ഷെ ആ ബ്ലോഗ് ആരൊ ^%&%₹ ഹാക്ക് ചെയ്തെന്ന് തോന്നുന്നു. ഇപ്പൊ അവിടെ എവിടെ ക്ലിക്കിയാലും അവന്റെ അമ്മ്^%&% അങ്ങോട്ട പോകുന്നത്. അതുകൊണ്ട് അതിവിടെ പോസ്റ്റുന്നു

കാത്തോളണെ കാവിലമ്മെ

തത്തമ്മയില്‍ ശ്രീനാരായണഗുരുസ്വാമിയുടെ ദൈവദശകം കണ്ടു. അതൊന്ന്‌ പാടി പോസ്റ്റ് ചെയ്യുന്നു. സാധാരണ കേള്‍ക്കുന്ന ഒരു ഈണമാണ് തൊണ്ടയില്‍ വന്നത്‌ അത്‌ അതുപോലങു പാടി എന്നേ ഉള്ളു.

നിന്നുകോരീ എന്ന വർണ്ണം. 'സ്വർശാല'യിൽ

മോഹനം രാഗത്തിലെ നിന്നുകോരീ എന്ന വർണ്ണം. 'സ്വർശാല'യിൽ പണിയുന്നതാ കേട്ടൊ

പഴയ സാധനത്തിൽ താളം ശരിയായില്ല . അതുകൊണ്ട് താളം പഠിക്കാനും പിന്നെ കൂടൂതലായി പിച്ച് ബെൻഡ്  പഠിക്കാനും അറിയാവുന്ന സാധനങ്ങൾ  പരീക്ഷിക്കുന്നു.
തെറ്റു കാണുമ്പോൾ ഒന്ന് ചുമ്മാ വെരുട്ടിയാൽ/വിരട്ടിയാൽ മതി  ഒതുങ്ങും . ഹ ഹ ഹ  ഇഷ്ടപ്പെട്ടെങ്കിൽ പറയാൻ മടിക്കണ്ടാ

This is Carnatic Music Varnnam "Ninnukori" in mohana ragam. This is completely arranged digitally using "Swarshala" Software

പുകാർതാ ചലാ ഹു മേ

നാല് കൊല്ലമായി ഈ സോഫ്റ്റ്വെയർ കയ്യിലിരിക്കുന്നു സ്വരശാല എന്നാണ് അതിന്റെ പേർ. അതിന്റെ പുതിയ അപ്ഡേറ്റ് കഴിഞ്ഞ മാസം കിട്ടി. അതിൽ ഏതാണ്ടൊക്കെ ചെയ്യാൻ പറ്റും എന്ന് മനസിലായി. ഒരു പരീക്ഷണം നടത്തിയതാ. ഇതിൽ ഞാനായിട്ട് പാടി കുളം ആക്കണ്ട എന്ന് വച്ചു

പുകാർതാ ചലാ ഹു മേ.

ഇത് മുഴുവൻ അതിൽ തന്നെ ഉണ്ടാക്കിയത്. അല്ലാതെ ഉപകരണം ഒന്നും ഉപയോഗിച്ചിട്ടില്ല.

എതിരൻ ജി പറഞ്ഞതനുസരിച്ച്  ചില മാറ്റങ്ങൾ വരുത്തി.
ദാ അത് താഴത്തെ വിഡിയൊയിൽ കേള്ക്കാം

പാകപ്പിഴകൾ ധാരാളം കാണും അതൊക്കെ ക്ഷമിച്ച് നമ്മുടെ പണീക്കരല്ലെ സാരമില്ല എന്നു പറയണം  

This is the old hindi song "Pukartha chala hu me". My first trial with the software Swarshala. This is completely arranged digitally using "Swarshala" Software There are many glitches. Being my first trial I was so thrilled in posting it once it was full.

കണ്ണാ കണ്ണാ നീയുറങ്ങ്

റ്റീച്ചറിന്റെ  മകൾ ഇതു പാടും അപ്പോൾ പാട്ടായി കേൾക്കാം

http://leelachandran.blogspot.in/2012/11/blog-post.html


ഞാൻ അന്നു പറഞ്ഞപ്പോൾ ചുമ്മാ പറഞ്ഞതാണെന്ന് കരുതി അല്ലെ ?

റ്റീച്ചറുടെ മകൾ തെരക്കിനിടയിൽ പോലും പാടാനുള്ള സൗകര്യം ഇല്ലാഞ്ഞിട്ട് മൊബൈലിൽ റെകോഡ് ചെയ്ത് അയച്ചു തന്നു.  അത് ഒന്നു മുറിച്ച് മിനുക്കി ഒപ്പിച്ചതാ അതിന്റെ കുഴപ്പം മുഴുവൻ എന്റെ മാത്രം

അപ്പോൾ കേൾക്കൂ

കണ്ണാ കണ്ണാ നീയുറങ്ങ് ,എന്റെ

കണ്മണിക്കുഞ്ഞേ നീയുറങ്ങ്

കണ്ണേ…പൊന്നേ…നീയുറങ്ങ്

കണ്ണും പൂട്ടി ചായുറങ്ങ്….

              രാരോ…രാരീരം..രാരിരാരോ

               രാരീരം…രാരീരം..രാരിരാരോ

അമ്മിഞ്ഞപ്പാലൂറും നിൻ ചൊടിയിൽ

മന്ദസ്മിതവുമായ് നീയുറങ്ങ്

കണ്ണിമ പൂട്ടാതെ കാവലാളായ്

അച്ഛനുമമ്മയുമരികിലുണ്ട്…..

              രാരോ…രാരീരം..രാരിരാരോ

               രാരീരം…രാരീരം..രാരിരാരോ

പൊന്നിൻ കിനാവുകൾ കണ്ടീടുവാൻ

പൊന്നുഷസന്ധ്യകൾ കണ്ടുണരാൻ

പാലൊളി തൂകും നിലാവു പോലെ

പാതി മിഴി പൂട്ടി നീയുറങ്ങ്..

              രാരോ…രാരീരം..രാരിരാരോ

               രാരീരം…രാരീരം..രാരിരാരോ

താരാട്ട്

കുറെ ഏറേ കാലമായി പാട്ടൊന്നും ഇല്ല.

ഇപ്പോൾ ദാ ലീല റ്റീച്ചറിന്റെ ബ്ലോഗിലെ ഒരു താരാട്ട്. മകൻ വിവാഹം കഴിച്ചു. ഇനി താരാട്ട് ആവശയമാണല്ലൊ എന്നു കരുതി. ഇത് ഞാൻ പാടീയാൽ, ഉണ്ടാകുന്ന കൊച്ച് ഓടും പക്ഷെ എന്നു വച്ച് പാടാതിരീക്കാൻ പറ്റില്ലല്ലൊ.

ഇതിന്റെ തുടക്കത്തിൽ ഇട്ട മ്യൂസിക് മഹേശിന്റെ വക. അതു കേട്ടാൽ തന്നെ അറിയാം അല്ലെ . അത് കഴിഞ്ഞ് ഉള്ള ബഹളം എന്റെ വഹ.

എന്റെ ശബ്ദം പുറമെ കേൾപ്പിക്കണ്ടാ എന്നു കരുതി.

റ്റീച്ചറിന്റെ  മകൾ ഇതു പാടും അപ്പോൾ പാട്ടായി കേൾക്കാം ഇപ്പൊ ദാ ഈണം മാത്രം

http://leelachandran.blogspot.in/2012/11/blog-post.html

രാരോ…രാരീരം..രാരിരാരോ

രാരീരം…രാരീരം..രാരിരാരോ

കണ്ണാ കണ്ണാ നീയുറങ്ങ് ,എന്റെ

കണ്മണിക്കുഞ്ഞേ നീയുറങ്ങ്

കണ്ണേ…പൊന്നേ…നീയുറങ്ങ്

കണ്ണും പൂട്ടി ചായുറങ്ങ്….

              രാരോ…രാരീരം..രാരിരാരോ

               രാരീരം…രാരീരം..രാരിരാരോ

അമ്മിഞ്ഞപ്പാലൂറും നിൻ ചൊടിയിൽ

മന്ദസ്മിതവുമായ് നീയുറങ്ങ്

കണ്ണിമ പൂട്ടാതെ കാവലാളായ്

അച്ഛനുമമ്മയുമരികിലുണ്ട്…..

              രാരോ…രാരീരം..രാരിരാരോ

               രാരീരം…രാരീരം..രാരിരാരോ

പൊന്നിൻ കിനാവുകൾ കണ്ടീടുവാൻ

പൊന്നുഷസന്ധ്യകൾ കണ്ടുണരാൻ

പാലൊളി തൂകും നിലാവു പോലെ

പാതി മിഴി പൂട്ടി നീയുറങ്ങ്..

              രാരോ…രാരീരം..രാരിരാരോ

               രാരീരം…രാരീരം..രാരിരാരോ

കാളിന്ദിപുളിനങ്ങളില്‍

ഈ പാട്ട്‌ 1974-75 കാലങ്ങളില്‍ ഒരിക്കല്‍ കോഴിക്കോട്‌ ആകാശവാണിയില്‍പ്രക്ഷേപണം ചെയ്തതാണ്‌.

രചന ശ്രീ പറത്തുള്ളി രവീന്ദ്രന്‍ (ആണെന്നെന്റെ ഓര്‍മ്മ)
സംഗീതം ഡോ രാധാകൃഷ്ണന്‍ (മലപ്പുറം)
ആലാപനം ഡോ നളിനി.

അന്നുപകരണങ്ങള്‍ കൈകാര്യം ചെയ്തവരും ഇതിന്റെ ഉല്‍പത്തി ചരിത്രവും എല്ലാം ഇവിടെ വായിക്കാം.

പാട്ടിന്റെ മുഴുവന്‍ വരികളും ഓര്‍മ്മവരുന്നില്ല. അതിനാല്‍ ചരണം ആദ്യചരണത്തിന്റെ ഒന്നും രണ്ടും വരികളും രണ്ടാമത്തെ ചരണത്തിന്റെ മൂന്നും നാലും വരികളും ചേര്‍ത്തങ്ങു പാടിയെന്നെ ഉള്ളു. അതുകൊണ്ടു വരുന്ന അര്‍ത്ഥവൈകല്യം ക്ഷമിക്കുമെന്നു കരുതട്ടെ. അതില്‍ തന്നെ ഒരു വാക്കില്‍ സംശയവും ഉണ്ട്‌.അത്ര സുന്ദരമായ വരികള്‍ക്കിടയില്‍ ഞാനെന്തെങ്കിലും എഴുതിച്ചേര്‍ത്താല്‍ അത്‌ അതിലും വൃത്തികേടായേക്കും എന്നു തോന്നിയതു കൊണ്ട്‌ അതിനു മുതിര്‍ന്നില്ല.
അപ്പോള്‍ കേട്ടു നോക്കുമല്ലൊ

ഹരിചന്ദനമണിയും

ഒരു ശിലായുഗകവിയുടെ ഡയറിയിൽ നിന്ന്

പഥികന്‍ ശിലായുഗ കവിത എഴുതിയതു കണ്ടപ്പോള്‍ ഒരാഗ്രഹം ഒരു ശിലായുഗഗായകനാകാന്‍.

അതു ദാ ഇങ്ങനെ ഒപ്പിച്ചു.


അണ്ണാക്കു വലിച്ചു കീറിയുള്ള പാട്ടായതു കൊണ്ട്‌ മുഴുവനാക്കാന്‍ ധൈര്യം വന്നില്ല.

ആദ്യം അതു മറ്റൊരു രീതിയില്‍ ഈണം ചെയ്തു അത്‌ ഇതിലൊക്കെ വളരെ കുളം ആയതു കൊണ്ട്‌ പുറത്തു കാണിക്കുന്നില്ല ഹ ഹ ഹ :)

വരികള്‍ ഇപ്രകാരം
നിലാവിനെ സ്നേഹിച്ച പെൺകൊടി നീ
നിശയുടെ മാറിലെ ശാരിക നീ
ജീവന്റെജീവനിലൂട്ടി വളർത്തിയൊ-
രോമൽക്കിനാവിലെ നായിക നീ
എന്റെ ഓമൽകിനാവിലെ നായിക നീ
(നിലാവിനെ സ്നേഹിച്ച ...) - 1




എന്റെ പാഴ്ജീവനിൽ തേനും വയമ്പുമായ്
നിന്റെയീ സ്നേഹം വിതുമ്പെ ,
വിണ്ണിലെ ഗന്ധർവ്വകിന്നരർ കൺചിമ്മി
എന്നിലസൂയാർത്തരാകെ ,
ഒരു മാത്ര കൂടിയാ മധുരമാം നൊമ്പര
മോർത്തു ഞൻ ധന്യനാകട്ടെ ..
എന്റെ കിനാക്കളിൽ ഞാനലിയട്ടെ
(നിലാവിനെ സ്നേഹിച്ച ...) - 1

ഒരു സ്വപ്നത്തിൽ ഒറ്റയ്ക്കിരുന്നു

അങ്ങനെ അവസാനം മറ്റൊരു വഴി തുറന്നു. വെബ് ക്യാം അല്ലതെ മൈക് ഉപയോഗിച്ചു തന്നെ പാടാനുള്ള വഴി ഒപ്പിച്ചു എന്ന്
 
അതുകൊണ്ട് ഒരു സ്വപ്നവീഥിയിൽ ഒറ്റയ്ക്ക് ഒന്നുകൂടി നിന്നു.

ഇതിൽ കുറെ ബഹളങ്ങളും ഒക്കെ കൂട്ടിച്ചേർത്തിട്ടുണ്ട്.

നേരം വെളുത്തപ്പോൾ ഇരുന്ന ഇരിപ്പാ ഇനി പോയി പല്ലു തേക്കട്ടെ

അപ്പോഴേക്കും നിങ്ങൾ കേട്ടോളൂ



വി ഏ ചേട്ടന്റെ ബ്ലോഗിൽ രണ്ടു കവിതകൾകിടക്കാൻ തുടങ്ങിയിട്ട് കുറെ കാലമായി. 
അതൊന്നു പാടാൻ ശ്രമിക്കാം എന്നു വിചാരിച്ച് മൈക്ക്  കുത്തിയതും അതിന്റെ അറ്റം ഒടിഞ്ഞ് സോകറ്റിനുള്ളിൽ കുടുങ്ങി.

അങ്ങനെ കഥ എഴുതിയാൽ അമളിക്കഥകളുടെ കൂട്ടത്തിൽ ഇനി കുറെ എണ്ണം കൂടി വരും. അതവിടെ എഴുതാം

അതാ മൂന്നാലു മാസം നിങ്ങൾക്കൊന്നും ശല്യമില്ലാതിരുന്നത്. 

ഇതിപ്പൊ എന്റെ വെബ് കാമിനകത്തെ മൈക് ഉപയോഗിച്ചാണ് പ്രയോഗം. (ഇനിയും ഉണ്ട് അപ്പൊ ഇതുപോലത്തെ വേലകൾ :)

അപ്പൊ അതിലെ ഒരു സ്വപ്നത്തിൽ ഒറ്റയ്ക്കിരുന്നു എന്ന ഗാനം യാതൊരു അകമ്പടിയും കൂടാതെ-  ഇനി ഉപയോഗിക്കേണ്ട വാക്ക് ശരിയല്ല എന്നറിയാം എന്നാലും പറയുമ്പൊ ഒരു ഇതൊക്കെ വേണ്ടായൊ  അപ്പൊ "പാടി".

ഇതിനു മുൻപൊരെണ്ണം അകമ്പടിയും ഒക്കെ ചേർത്തു ഉണ്ടാക്കിയിട്ടു ഇവിടെ പുരോഗമിച്ചു കൊണ്ടിരുന്നപ്പോള് ചോദിക്കാതെ തന്നെ ഭൈമി സപ്രിറ്റികറ്റ് തന്നു "കാളമൂത്രം പോലെ ഉണ്ട്" എന്ന്.

അതു കൊണ്ട് ഇതു നല്ല റാ ആയി വിളമ്പുന്നു

മോഹനരാഗതരംഗങ്ങളില്‍ - ഒരിക്കല്‍ കൂടി

ഗീതഗീതികളില്‍ വന്ന "മോഹനരാഗതരംഗങ്ങളില്‍" എന്ന ഗാനം


ഗീത റ്റീച്ചര്‍ എഴുതിയ പോസ്റ്റ്‌ ഇപ്പോള്‍ കാണാനില്ല ആ ലിങ്കില്‍ ക്ലിക്കിയാല്‍ കിട്ടുന്നും ഇല്ല. എവിടെ പോയൊ ആവോ?

അവര്‍ അന്ന് ഈ പാട്ടിനിട്ട കമന്റുകള്‍ ദാ ഈ പടങ്ങളില്‍ കാണാം

വ്രീളാവിവശയായ്‌ വന്ന മലയാള കവിത

വ്രീളാവിവശയായ്‌ അരികില്‍ വന്ന മലയാള കവിത

ശ്രീ സി എം ജനാര്‍ദ്ദനന്‍ മാഷ്‌ എഴുതി ജനവാതില്‍ എന്ന അദ്ദേഹത്തിന്റെ ബ്ലോഗില്‍ വന്ന കവിത.

ഓണത്തിനിടയില്‍ പൂട്ടു കച്ചവടം എന്നു പറയില്ലെ അതുപോലെ ഇന്ന് അവധി എടുത്തിരുന്നപ്പോള്‍ തോന്നിയ ഒരു വികൃതി മറ്റു തെരക്കൊന്നും ഇല്ലെങ്കില്‍ ഇതും ഒന്നു കേള്‍ക്കൂ. അഭിപ്രായം പറയാന്‍ പറയുന്നില്ല വല്ല തെറിയും കേള്‍ക്കേണ്ടി വന്നാലൊ അല്ലെ?
:)

ഇനിയെന്റെ കണ്ണീരു മാറും

"ഇനിയെന്റെ കണ്ണീരു മാറും"

സ്വന്തം സുഹൃത്ത്‌ എന്ന ബ്ലോഗര്‍ എഴുതിയ ഒരു ഭക്തിഗാനം

അദ്ദേഹത്തിന്റെ ബ്ലോഗ്‌ തലക്കെട്ട്‌ ഇംഗ്ലീഷില്‍ ആയിരുന്നതു കൊണ്ട്‌ ഇതുവരെ ശ്രദ്ധിച്ചിരുന്നില്ല.

ലളിതമായ വരികള്‍.

അദ്ദേഹത്തെ വിവരം അറിയിക്കാം എന്നു വിചാരിച്ചിട്ട്‌ മെയില്‍ ഐ ഡി ഒന്നും കാണാനില്ല്ല.

അതുകൊണ്ട്‌ നേരെ പോസ്റ്റ്‌ ചെയ്യുന്നു.

എല്ലാവരും കേള്‍ക്കുമല്ലൊ അല്ലെ ?

പണ്ട്‌
മോഹനരാഗതരംഗങ്ങളില്‍ എന്ന കവിത
http://lalithaganam.blogspot.com/2008/08/blog-post.html പോസ്റ്റ്‌ ചെയ്തപ്പോള്‍ അതിലെ ബിജി എമ്മില്‍ ഇടത്തെ സ്പീക്കറില്‍ നിന്നും വലത്തെതിലേക്കു ശബ്ദം മാറ്റിയതിനെ ശ്രീ അഭിലാഷ്‌ പ്രശംസിച്ചെഴുതിയിരുന്നു.

ആ വേല പഠിച്ചു കഴിഞ്ഞാല്‍ ഇനിയും പ്രയോഗിക്കാം (അന്നത്തെത്‌ മകനായിരുന്നു ചെയ്തു തന്നത്‌)
എന്നു വാക്കു കൊടുത്തതാ.
ഇപ്പൊഴെ പറ്റിയുള്ളു ദാ രണ്ടിടത്ത്‌ പ്രയോഗിച്ചു ഹ ഹ ഹ :)

ഒരു പാതിക്കരളുമായ്‌

ഒരു പാതിക്കരളുമായ്‌ വന്നവള്‍ ഞാനെന്റെ
മറുപാതിക്കരള്‍ നിന്നില്‍ കണ്ടു ദേവാ
ഇരുപാതിക്കരളുകള്‍ തങ്ങളില്‍ സന്ധിച്ച
ശുഭമുഹൂര്‍ത്തത്തിനു നന്ദി ഈ ജന്മ
ശുഭമുഹൂര്‍ത്തത്തിനു നന്ദി

ഈ ഗാനത്തിന്റെ കഥ ഇവിടെ വായിക്കാം